Son xəbərlər:
Bayram günləri işə çağırılan şəxslərlə bağlı RƏSMİ AÇIQLAMA                        Kəmaləddin Heydərov: Yanğın artıq məhdudlaşdırılır, alovun qonşuluqdakı tikililərə keçməsinin qarşısı alınıb                        Bakının Nizami rayonu ərazisindəki yanğının söndürülməsinə FHN-in Aviasiya dəstəsinin iki helikopteri cəlb olunub                        Qiyamət günü yalnız bu MƏKAN "DAĞILMAYACAQ" - FOTOLAR                        Yardımlı qara büründü - Möhtəşəm GÖRÜNTÜLƏR - FOTO                        Daha bir meyxanaçı ilə bağlı üzücü xəbər                        Türkiyə Moldovanı darmadağın etdi                        Gəncədə iki maşın toqquşdu, yaralılar var - FOTO                        Dünya çempionumuzun qardaşı yol qəzasında öldü - Video                        Heydər Əliyev: Hansısa bir terrorçu gülləsi... - Video                        Aprelin əvvəlindən müharibə veteranlarına Prezidentin aylıq təqaüdü təyin olunacaq                        Bu gün vəfat edən sənətkarımızla bağlı ağrılı fakt - Video                        Bakıda avtomobil yük maşınına çırpıldı: ölən var                        Aprel ayından müharibə veteranlarına Prezident təqaüdü təyin olunacaq                        Ermənistan silahlı qüvvələrinin bölmələri sutka ərzində atəşkəs rejimini 22 dəfə pozub                        Ana doğuş zamanı öldü: Yaxınları xəstəxanaya hücum çəkdi                        Fransada teatr tamaşasında xalq mahnılarımız ifa olunub                        Kikboksçumuz Almaniyada qələbə qazanıb                        Tarkana 5 milyon təklif olundu - 8 aylıq...                        Trampın Colan yüksəklikləri barədə qərarının tarixi açıqlandı                        Keçmiş məhbəs yoldaşları Əli İnsanovla görüşdü - FOTO                        “Idai” qasırğası nəticəsində ölənlərin sayı 700-ü keçib                        Rumıniya İsraildəki səfirliyini Qüdsə köçürür                        Azərbaycan döyüşçüsü nüfuzlu “M-1 Challenge 101” turnirində çıxış edəcək                        Tarkana 5 milyon təklif olundu                        Amerikalı jurnalistlərə Dağlıq Qarabağ münaqişəsi ilə bağlı həqiqətlər çatdırılıb                        Necati Şaşmaz: "Hər zaman keşikdəyik"                        O dünyadan qayıdan 9 adam - FOTOLAR                        Pakistan-Hindistan gərginliyi: Sərhədə raketlər yerləşdirildi                        Millimizin baş məşqçisi jurnalistlərdən futbolçu istədi                       
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
24-mar-2019 / ( 22:19 )
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Tarix: 5-01-2019, 16:11
“Bura bax, sən erməni xalqından Azərbaycana düşmən düzəltmisən! Niyə belə edirsən?!.”
“Köçəryanı azərbaycanlı qadınları  işə qaytarmağa məcbur etdim...”Moderator.az 1979-cu ildən 1991- ci il noyabrın 20-də - görkəmli dövlət xadimləri, ziyalılar, hərbçilər və jurnalistləri aparan vertolyotun Qarakənd səmasında vurulduğu günədək DQMV İcraiyyə Komitəsi sədrinin birinci müavini vəzifəsində işləyən (tarix boyu DQMV-də azərbaycanlılar üçün ən yüksək vəzifəni tutan, Vilayət partiya komitəsinin 11 büro üzvündən yeganə azərbaycanlı) Fərrux Hüseynovun Qarabağ gündəliyinin ən vacib və maraqlı qeydlərini qısa şərhlərimizin müşayiəti ilə oxucuların diqqətinə çatdırır

“Köçəryanı kabinetimə çağırıb bərk danlayaraq soruşdum ki, niyə azərbaycanlı qadınları işdən çıxartdırmısan?..”

“O vaxt (1987-ci ildə) Henrix Poqosyanın DQMV İcraiyyə Komitəsinin sədri olmasına imkan vermədim. Ancaq təəssüf ki, bir il sonra, yəni 1988-ci ildə bu daşnak erməni daha böyük vəzifəni tutmağa nail oldu -Vilayət Partiya Komitəsinin birinci katibi oldu...

O ərəfədə məni yenə Bakıya çağırmışdılar. Məlumat verdilər ki, Kamran Bağırov tapşırıb, təcili gəlsin - Sov.İKP MK -nın katibi Razumovski onunla görüşmək istəyir. Gəldim Mərkəzi Komitənin binasına və gördüm ki, DQMV-nin o vaxtkı 1-ci katibi Boris Gevorkov qanıqara halda Kamran Bağırovun qəbul otağında oturub. Dedi, Fərrux müəllim, deyəsən, məni vəzifədən çıxardırlar, yəqin, səni çağırıblar ki, birinci katibliyə kimin yaxşı namizəd olduğunu soruşsunlar; Azərbaycana yaxın kimdir, onu deyərsən...

Amma mən belə bir adam görmürdüm onların arasında... Kamran Bağırov Razumovski ilə birlikdə məni qəbul etdilər. Razumovski bildirdi ki, Vilayətdə əhali Gevorkovun istefasını tələb edir və biz də bu məsələni artıq həll etmişik. Səni ona görə çağırmışıq ki, soruşaq; Vilayət Partiya Komitəsinin büro üzvləri arasında elə bir erməni varmı ki, Azərbaycanın mənafeyini müdafiə etsin və bu çaxnaşmanı sakitləşdirə bilsin?

Moskvadan gəlmiş Mərkəzi Komitə katibinə cavab verdim ki, erməni büro uzvləri arasında elə bir adam yoxdu. Soruşdu ki, bəs plenum üzvləri arasında. Buna da “yox” cavabı verdim. Razumovski əsəbi halda soruşdu:

“Nə oldu, bu ermənilərin içindən Azərbaycana yarayan bir adam tapmadın?!.”

Kamran Bağırov Razumovski ilə söhbətimizə müdaxilə edərək bildirdi ki, mən Fərrux Hüseynovun səmimiliyinə inanıram, düz deyir, onların arasında elə bir adam yoxdur.

Sonda bildirdim ki, Azərbaycana nisbətən loyal yanaşan bircə nəfər var: Hadrutun birinci katibi. Onun da ağzının kəsəri yoxdur deyə, Vilayətin birinci katibi işləyə bilməz.
Razumovski gözlənilmədən soruşdu: “А kak Poqosyan?”(Bəs Poqosyan necə?).
Mən bu suala da sərt cavab verdim:
“Пагосян ярый враг Азербайджанского народа” (Poqosyan Azərbaycan xalqının ən qəddar düşmənidir”.
Və izah etdim ki, Poqosyan bunu bir neçə dəfə özü etiraf edib. Dedim, inanmırsınız zəng edib şahidlərdən soruşun ki, SSRİ DTK sədrinin 1-ci müavini Sviqun Xankəndinə gələndə onun yanında Poqosyan Azərbaycan haqda nələr danışıb.
Cavabında Razumovski mənə çox ciddi şəkildə, amma tamamilər haqsız irad bildirdi:
“Bura bax, sən erməni xalqından Azərbaycana düşmən düzəltmisən! Niyə belə edirsən?!.”
Cavab verdim ki, mən bildiyimi söyləyirəm, yoldaş Razumovski. Və ona Sviqunun yanında baş verən hadisəni ətraflı danışdım.
Razumovski isə yenə dolayısıyla Poqosyanı müdafiə edərək bildirdi: “Yəqin o, sərxoş olub ona görə elə danışıb. Sonra bildirdi ki, sabah Vilayətdə plenum keçirəcəyik və Poqosyanı da birinci katib seçəcəyik. Get gözlə, sənlik deyil. Sabahkı plenuma hazırlaşın...”

Bu minvalla Dağlıq Qarabağ Muxtar Vilayəti Partiya Komitəsinin inzibati binasında plenum keçirildi. Yığıncaqda Kamran Bağırov və Razumovski də iştirak edirdi. Qısa çıxışlardan sonra H.Poqosyan B.Gevorkovun yerinə seçildi. Bununla Kamran Bağırova qarşı çox böyük hörmətsizlik etdilər. Həmin qərarın əleyhinə üç-dörd nəfər - mən və Poqosyandan narazı olan iki-üç erməni çıxdı. Qalan hamısı tökülüşdü Gevorkovun üstünə: Poqosyan özü, Manuçarov, Dadamyan, Köçəryan və s...

Robert Köçəryan o vaxt Qarabağ ipək kombinatı partiya komitəsinin katibiyidi. O qədər də üzdə ola fiqur deyidi. Amma deyim ki, Köçəryan elə o vaxtdan faşist əqidəli idi- Poqosyandan da qatı millətçi idi. Həmin plenumdakı çıxışında Köçəryan üzünü Razumovskiyə tutub dedi:

“Yoldaşlar! Aərbaycan bizə ögey münasibət bəsləyir, ona görə də biz heç vaxt Bakıya tabe olan deyilik. Gəlirsiniz, birini çıxarıb o birini qoyursunuz - yaxşı edirsini. Ancaq indi sizə qəti deyirik, bizim Azərbaycanın tərkibində qalıb onlarla işləməyimiz mümkün olmayacaq...”

Poqosyan Vilayət Partiya Komitəsinin birinci katibi seçilən kimi plenum keçirilən zaldan birbaşa Xankəndinin mərkəzi meydanında mitinq keçirən separatçı və ekstremist daşnakların yanına gedib onlara belə müraciət etdi:
“Sizi təbrik edirəm! Qələbə bizimdir!..”

Bu arada mərhum Fərrux Hüseynov işğalçı ölkənin qaniçən, terrorçu eks-prezidenti Robert Köçəryan haqda bir epizodu da xatırlayır:

“Köçəryanı kabinetimdən zəng vurmağa məcbur etdim...”

“1988-ci ilin ortaları olardı. Artıq Qarabağda hadisələrin qızışan vaxtı idı... Xankəndində 11-12 nəfər azərbaycanlı qadını bir əmrlə Qarabağ ipək kombinatından işdən çıxarmışdılar. Çox hiddətləndim. Həmin kombinatın “partkom”u olan Robert Köçəryanı kabinetimə çağırıb bərk danlayaraq soruşdum ki, niyə azərbaycanlı qadınları işdən çıxartdırmısan?..

Mən yaxşı bilirdim ki, kombinatın erməni fəhlələri Köçəryanın öyrətməsi ilə azərbaycanlıları müxtəlif yollarla incidir, işləməyə qoymurlar. Odur ki, ondan sərt şəkildə tələb etdim:

“Məlumatım var ki, kombinatın direktoru o azərbaycanlı qadınları sənin göstərişinlə işdən çıxarıb. Əgər onlar işə bərpa olunmasalar, sən buna vəzifənlə, partiya biletinlə cavab verəcəksən!.. Özü də günü sabah!..

Bildirdi ki, mənim günahım yoxdur, mən heç kimi öyrətməmişəm, qadınlar işə gəlmirdilər... Dedim, onların təhlükəsizliyini təmin etməmisiniz, ona görə də işə gəlməyiblər. Götür telefon dəstəyin, bu dəqiqə mənim yanımdan zəng elə kombinatın direktoruna, çatdır ki, qadınları təcili işə bərpa etsin...”

Nəhayət, Köçəryan məcbur olub mənim yanımdan direktora zəng vurdu. Azərbaycanlı qadınlar dərhal işə bərpa olundu. Və etəsii gündən mənim tapşırığımla onları işə aparıb gətirmək üçün xüsusi avtobus da ayrıldı...


Ana səhifəyə qayıt

Axtariş

Təqvim
«    Mart 2019    »
BeÇaÇCaCŞB
 123
45678910
11121314151617
18192021222324
25262728293031