Son xəbərlər:
Bayram günləri işə çağırılan şəxslərlə bağlı RƏSMİ AÇIQLAMA                        Kəmaləddin Heydərov: Yanğın artıq məhdudlaşdırılır, alovun qonşuluqdakı tikililərə keçməsinin qarşısı alınıb                        Bakının Nizami rayonu ərazisindəki yanğının söndürülməsinə FHN-in Aviasiya dəstəsinin iki helikopteri cəlb olunub                        Qiyamət günü yalnız bu MƏKAN "DAĞILMAYACAQ" - FOTOLAR                        Yardımlı qara büründü - Möhtəşəm GÖRÜNTÜLƏR - FOTO                        Daha bir meyxanaçı ilə bağlı üzücü xəbər                        Türkiyə Moldovanı darmadağın etdi                        Gəncədə iki maşın toqquşdu, yaralılar var - FOTO                        Dünya çempionumuzun qardaşı yol qəzasında öldü - Video                        Heydər Əliyev: Hansısa bir terrorçu gülləsi... - Video                        Aprelin əvvəlindən müharibə veteranlarına Prezidentin aylıq təqaüdü təyin olunacaq                        Bu gün vəfat edən sənətkarımızla bağlı ağrılı fakt - Video                        Bakıda avtomobil yük maşınına çırpıldı: ölən var                        Aprel ayından müharibə veteranlarına Prezident təqaüdü təyin olunacaq                        Ermənistan silahlı qüvvələrinin bölmələri sutka ərzində atəşkəs rejimini 22 dəfə pozub                        Ana doğuş zamanı öldü: Yaxınları xəstəxanaya hücum çəkdi                        Fransada teatr tamaşasında xalq mahnılarımız ifa olunub                        Kikboksçumuz Almaniyada qələbə qazanıb                        Tarkana 5 milyon təklif olundu - 8 aylıq...                        Trampın Colan yüksəklikləri barədə qərarının tarixi açıqlandı                        Keçmiş məhbəs yoldaşları Əli İnsanovla görüşdü - FOTO                        “Idai” qasırğası nəticəsində ölənlərin sayı 700-ü keçib                        Rumıniya İsraildəki səfirliyini Qüdsə köçürür                        Azərbaycan döyüşçüsü nüfuzlu “M-1 Challenge 101” turnirində çıxış edəcək                        Tarkana 5 milyon təklif olundu                        Amerikalı jurnalistlərə Dağlıq Qarabağ münaqişəsi ilə bağlı həqiqətlər çatdırılıb                        Necati Şaşmaz: "Hər zaman keşikdəyik"                        O dünyadan qayıdan 9 adam - FOTOLAR                        Pakistan-Hindistan gərginliyi: Sərhədə raketlər yerləşdirildi                        Millimizin baş məşqçisi jurnalistlərdən futbolçu istədi                       
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
24-mar-2019 / ( 22:19 )
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Tarix: 14-06-2018, 17:07
Daşkənddə Sona Vəliyevanın özbək dilində şeirlər kitabının təqdimatı olub
Şairə və publisist Sona Vəliyevanın “Dünya gözlərimdə çəhrayı rəngdə” özbək dilində şeirlər kitabının Daşkənddə təqdimatı keçirilib.

AZƏRTAC xəbər verir ki, kitab Özbəkistan paytaxtında fəaliyyət göstərən Heydər Əliyev adına Azərbaycan Mədəniyyət Mərkəzinin (AMM) layihəsi əsasında “İstiqlal–nuri” nəşriyyatında çapdan çıxıb.

Özbəkistan Milli Elmlər Akademiyasının Mərkəzi Elmi Kitabxanasında keçirilən təqdimat mərasimi çərçivəsində Sona Vəliyevanın dünyanın müxtəlif ölkələrində çap edilmiş kitabları və şeir disklərindən, habelə AMM-in son beş ildə Azərbaycan tarixinə, mədəniyyətinə, ədəbiyyatına, Ermənistan-Azərbaycan, Dağlıq Qarabağ münaqişəsinə dair özbək dilində çap etdirdiyi 49 adda kitabdan ibarət sərgi də təşkil olunub.

Tədbirdə çıxış edən kitabxananın direktoru Zuxra Berdiyeva Nizami Gəncəvi və Əlişir Nəvai dövründən başlanan Özbəkistan-Azərbaycan ədəbi əlaqələrinin müasir dövrdə uğurla davam etdiyini vurğulayıb. O, özbək oxucularına öz ana dillərində müasir Azərbaycan ədəbiyyatını oxumaq imkanı yaradan AMM-ə təşəkkür edib. Zuxra Berdiyeva “Dünya gözlərimdə çəhrayı rəngdə” kitabında yer alan Vətən, Azərbaycan, Qarabağ - yurd həsrəti, sevgi, təbiətə məhəbbət mövzularında şeirlərin özbək oxucuları üçün maraqlı olacağını söyləyib.

Layihənin rəhbəri və kitaba “Ön söz”ün müəllifi - AMM-in direktoru Samir Abbasov iki xalq arasında ədəbi əlaqələrdən söz açıb, rəhbərlik etdiyi qurumun layihələri əsasında son illər bir çox Azərbaycan ədəbiyyatı nümayəndələrinin əsərlərinin özbək dilinə tərcümə olunduğunu bildirib.

Sona Vəliyevanın yaradıcılığı, onun yeni şeirlər kitabı haqqında məlumat verən Samir Abbasov müəllifin daim azərbaycançılıq məfkurəsini təbliğ etdiyini diqqətə çatdırıb. Müasir Azərbaycan ədəbiyyatının nümayəndələri arasında öz yaradıcılıq üslubu ilə seçilən Sona Vəliyevanın şeirlərinin özbək oxucuları üçün maraqlı olacağına ümidvar olduğunu deyib.

Tanınmış ədəbiyyatşünas alim və tərcüməçilər Babaxan Şərif və Tahir Qahhar Sona Vəliyevanın yaradıcılığından danışaraq, kitabdakı əsərlərin zamanla səsləşdiyini və aktuallığını vurğulayıblar. Qeyd ediblər ki, Azərbaycan ədəbi mühiti hər zaman öz zənginliyi ilə seçilib, iki xalqın ədəbiyyatı bir-birindən faydalanaraq inkişaf edib. Müstəqillik dövrü Azərbaycan poeziyasının özbək oxucuları üçün də xüsusi maraq kəsb etdiyini bildirən alimlər azərbaycanlı şairənin kitabını yüksək dəyərləndiriblər.

Tədbirdə Əkbər Qoşalı, Fərid Hüseyn Azərbaycan-özbək ədəbi əlaqələri, şairə, publisist Sona Vəliyevanın yaradıcılığı haqqında fikirlərini bölüşüblər. Bildirilib ki, şairənin Türkiyə, İran, Rusiya, Qazaxıstan və başqa ölkələrdə çap edilən əsərləri ictimaiyyət tərəfindən maraqla qarşılanıb.

Özbəkistan Yazıçılar Birliyinin nümayəndəsi - tərcümə şöbəsinin müdiri Atxam Alimbekov, Nəvai adına Daşkənd Dövlət Özbək Dili və Ədəbiyyatı Universitetinin dosenti Gülbahar Aşurova yerli oxucuların Azərbaycan ədəbiyyatı ilə tanış olmasında AMM-in fəaliyyətini vurğulayıblar.

Kitabı orijinaldan özbək dilinə çevirən şairə və tərcüməçi Şəhla Qasımova Azərbaycan ədəbiyyatına böyük maraq və sevgisinin olduğunu qeyd edib. O, Sona Vəliyevanın əsərlərini oxuyarkən Azərbaycan tarixinin və müasir dövrünün, Qarabağda qanlı hadisələrin, Xocalı soyqırımının, azərbaycanlı köçkünlərin həyatının göz önündə canlandığını və şair ürəyinin çırpıntılarının duyulduğunu söyləyib. Şəhla Qasımova layihəyə dəstək verən Azərbaycan Mədəniyyət Mərkəzinə təşəkkürünü bildirib.


Ana səhifəyə qayıt

Axtariş

Təqvim
«    Mart 2019    »
BeÇaÇCaCŞB
 123
45678910
11121314151617
18192021222324
25262728293031